Хэний ч биш зөвхөн өөрийнхөө зүрх сэтгэлийг дага ...

За нөгөө яриад байгаа EPL fantasy тэмцээнээ дэлгэрэнгүй тайлбарлая.
1. Тоглогч та эхлээд Английн Пример Лигийн (АПЛ) багуудын тоглогчдоос өөрийн сонирхсон гарааны 11 тоглогчийг, нэмээд сэлгээний 4 тоглогчийн хамт сонгоно. (тоглогч бүр өөрийн үнэтэй ба та өөрийн мөнгөнд тааруулж хэдэн ч багийн хамаагүй нийт 15 тоглогч сонгоно. )http://fantasy.premierleague.com хаягаар орж та бүртгүүлнэ үү.

2. Бодит амьдрал дээр АПЛ-ийн тоглолт явагдсан үед (7 хоногийн амралтын өдрүүдэд бүх баг 1 удаа тоголдог ба үүнийг 1 тойргийн тоглолт явагдлаа гэдэг) таны сонгосон тоглоч бүр өөрийн багтаа хэр сайн тоголсноос шалтгаалан тус бүртээ оноо авна. Тус оноо өгөх аргыг доор дэлгэрэнгүй тайлбарласан байгаа.

3. Тоглогч тус бүрийн авсан онооны нийлбэрээр таны тус тойргийн оноо бодогдож гарах ба таны ерөнхий оноонд нэмэгдэнэ. АПЛ 38 тойрог тоглодог тул бүх тойрог дууссаны дараа ерөнхий дүн гарч эцсийн байдлаар байр эзэлнэ.

4. Тэмцээн 8 сарын 15-аас эхлэх ба хойтон жилийн 5 сард дуусна. Та тойрог бүрийн дараагаар http://fantasy.premierleague.com сайтнаас өөрийнхөө дүнг харж хэдэд яваагаа хянах ба мөн дараагийн тойргийн оноолтыг харж багтаа өөрчлөлт хийх боломжтой.

5. Дараагийн тойрогт таны сонгосон тамирчдын тоглодог багууд ямар ямар багуудтай оноолт таарсан гэдгээс шалтгаалан та багтаа байрлалын өөрчлөлт (сэлгээний тамирчдаа гараанд гаргах болон, багийнхаа тоголдог байрлалаа өөрчилж болно) болон тамирчдаа ч өөрчилж болно. Өөрийн мөнгөнд тааруулан 15 тамирчнаа яаж ч өөрчилсөн болох ба нэг тойрогт 1 тоглогч ямар нэгэн торгуулгүй солиж (наймаа хийж) болно.

6. Жишээ нь та Жеррадыг (Ливерпүүл багийн тоглогч) багтаа авсан байсан ба дараагийн тойрогт Ливерпүүл баг Арсенал (маш сайн баг) багтай талбайд нь тоглох хуваарь гарсан бол харин Челси баг тааруухан багтай оноолт таарсан гэж саная. Тэгвэл та Жеррадаа Челси багийн Лампардаар (маш сайн тоглогч) сольж болно. Жеррадын баг сайн багтай таарсан тул Жеррад бага оноо авч Лампардын баг муу багтай таарсан тул Лампард өндөр оноо авах бүрэн боломжтой билээ. Энэ мэтээр сэлгээ, солилцоо хийж та аль болох тус тойргоос өндөр оноо авахыг хичээх хэрэгтэй нь ойлгомжой буйзаа.

7. Та тухайн тамирчны одоогийн тоглож буй форум, тус тамирчны баг дараагийн тойрогт ямар багтай тоглогж таны сонгосон тамирчин хэр өндөр оноо авах боломжтойг мэдлэг, туршлага, зөн совин дээрээ үндэслэн таамгалснаар та багаа бүрдүүлэн аль болох олон оноо авахыг зорих нь тоглоомын үндсэн зарчим юм.

8. Та нэг тойрог дууссаны дараа (даваа гаригт ч юмуу) өөрийнхөө цуглуулсан оноо болон тус тэмцээнд хэддүгээр байрт явж байгаагаа мөн дараа тойргийн оноолтыг харснаар багтаа менежмент ганц л удаа хийхэд хангалттай ба энэ нь та 7 хоногт ганцхан удаа л internet-д орж тус тэмцээний үйл явцад анхаарал хандуулахад хангалттай гэсэн үг юм.

9. Цаг зав бага зарцуулж өөрийн цэвэр мэдлэг, туршлага, зөн билгээр сонирхолтойгоор удаан хугацааны турш өрсөлдөх энэхүү тэмцээнд та бүхнийг өргөнөөр хамрагдаж чөлөөт цагаа сонирхолтойгоор өнгөрөөн, өөрийн сонирхдог (сонирхож эхэлж буй) спортдоо улам бүр дурлан орж, мэдлэг мэдээллээ нэмэгдүүлж цагаа “кайф”-тай сайхан өнгөрөөгөөрэй гэж хүсье.

10. Тоглогч тухайн тойрогт хэр тоголсноос шалтгаалаад дараах байдлаар оноо авна:
- сонгосон тамирчин тоглолтонд оролцвол : 1 оноо
- 60 минутаас дээс хугацаагаар тогловол: 2 оноо
- хаалгач болон хамгаалагч гоол оруулвал: 6 оноо
- хагас хамгаалагч гоол оруулвал: 5 оноо
- довтлогч гоол оруулвал: 4 оноо
- гоолны дамжуулалт өгсөн тамирчин: 3 оноо
- хаалгач болон хамгаалагч гоол алдахгүй бол (60-с дээш минут тоглосон): 4 оноо
- хагас хамгаалагч гоол алдахгүй бол (60-с дээш минут тоглосон): 1 оноо
- хаалгач 3 удаа амжилттай хамгаалах бүрт: 1 оноо
- Penalty алдсан тоглогч : -2 (сөрөг оноо)
- Penalty хаавал хаалгач: 5 оноо
- сайн тогловол 1-ээс 3 оноог урамшуулал болгон өгнө.
- хоёр гоол алдах бүрд хаалгач болон хамгаалагчид: -1 оноо
- шар хуудас авсан тамирчин: -1 оноо
- улаан хуудас авсан тамирчин: -3 оноо гэсэн байдлаар оноо авна.

11. Мөн гарааны 11 тоглогчийн аль нэгийг та өөрөө багийн ахлагчаар сонгох шаардлагатай болдог ба тус ахлагчийн тань авсан оноог 2 дахин үржүүлж таны ерөнхий оноонд нэмэгдэх тул таны өндөр оноо авах бас нэгэн боломж энэ болохыг анхаарна уу!

12. Жишээ нь та Манчестэр Юнайтед багийн хагас хамгаалагч Андерсонг гарааны 11-дээ сонгосон гэе. Тэрээр тухайн тойрогт гараанд гарч 1 гоолны дамжуулалт өгөөд, шар хуудас аваад 70 дахь минутад сэлгээгээгээр суусан бөгөөд түүний баг 2:0-ээр хожсон гэе (нэг гоолоо 11 метрийн торгуулийн цохилтоор оруулсан гэе). Тэгвэл 10-р бүлэг дэхь оноо авах журмын дагуу:
60 минутаас дээш тоглосон тул 2 оноо, гоолны дамжуулалт өгсөн тул +3, хагас хамгаалагч 60-аас дээш минут тоглож гоол алдаагүй тул +1, шар хуудас авсан тул -1 оноо авах ба Андерсон нийт 2+3+1-1=5 оноо авах ба талбай дээр хэр идэвхитэй байснаас шалтгаалан (1 ээс 3 оноог bonus хэлбэрээр авах боломжтой) урамшуулал авах боложтой. Мөн та Андерсоныг өөрийн багийн ахлагчаар сонгосон бол 5*2=10 оноотой болно гэсэн үг. Мөн та эсрэг багийн хаалгачийг багтаа сонгосон байсан гэвэл таны хаалгач 90 минут тоглосон тул +2, тэрээр Манчестерийн 6 удаагийн аюултай цохилтыг хаасан гэвэл 1*2=2 оноо (3 хаалт тутамд 1 оноо), финалт алдсан тул -2 оноо, 2 гоол алдсан тул -1 оноо авах ба тэрээр нийт 2+2-2-1=1 оноо авч байна. Үүн дээр урамшуулал бодогдох боломжтой. Ийм байдлаар гараанд сонгосон 11 тоглогчийн оноо бодогдоно.

13. Сэлгээний тоглочдын хувьд гарааны тоглогчид нь тухайн 7 хоногт тоглохгүй бол(багийн ахлагчаас бусад) урдаасаа хойшоо дараалалаар нөхөж тоглоно. Нэг тоглогч тоглохгүй бол хамгийн урд байрласан нь нөхнө гэсэн үг. Энэ дарааллыг та өөрөө тохируулдаг. Тэгэхдээ хаалгач бол зөвхөн хаалгачаа сэлгэнэ

14. Нэг тойрогт 1 наймаа үнэгүй хийнэ. Өөр олон наймаа хийвэл наймаа бүрт 4 оноог ерөнхий онооноосоо хасуулна. Нэг тойрогт наймаагаа хийхгүй бол дараагийн тойрогт 2 тамирчин үнэгүй наймаалцах эрхтэй болно гэх мэтээр үргэлжлэнэ. Тухайн тойргийн сэлгээ, наймаа болон бусад тохиргоог товлосон цагаас өмнө хийнэ,амжаагүй тохиолдолд дараа 7 хоногт таны хийсэн тохиргоо идэвхижинэ. Жишээ нь эхний тойрогт:
Open: Gameweek 1 15 Aug 11:30 BST гэсэн товлосон хугацаа сайтны зүүн гар талын хэсэгт байгаа.

15. Wild Card буюу эцсийн алтан боломж. Та бүхэл улирлын турш ганц удаа wild card гэх зүйлийг ашиглаж болох ба үнэ үйлчилгээ нь багийнхаа хэдэн ч хүнийг ямар нэгэн торгуулгүйгээр солих боломжийг танд олгоно. Та хамгийн хэрэгтэй, оновчтой үедээ энэ боломжоо ашиглаарай.