Хэний ч биш зөвхөн өөрийнхөө зүрх сэтгэлийг дага ...

Зорилго:
МУИС-ийн Эдийн засгийн сургуульд амжилттай суралцахын зэрэгцээ эрдэм шинжилгээ, судалгаа, соёл хүмүүжлийн ажилд тодорхой амжилт гаргаж буй, төрөл бүрийн уралдаан тэмцээнд идэвхитэй оролцож зохих үр дүнд хүрсэн, чадварлаг мэргэжилтэн болохын төлөө шамдан суралцагч шилдэг оюутныг шагнан урамшуулах.

Болзол:
Уг шагналд МУИС-ийн ЭЗС-ийн 2-4 дүгээр ангийн оюутан нэрээ дэвшүүлэх боломжтой.
Нэр дэвшигч оюутан гурван улирал дараалан 85, түүнээс дээш голч оноотой суралцсан байх.
Оюутны эрдэм шинжилгээний ажилд тодорхой амжилт гаргасан байх.
Нийгэм, олон нийт, оюутны ажилд идэвхи санаачлагатай оролцогч байх.

Шагналын хэмжээ, давтамж:
Шалгарсан оюутанд Ж.Батмөнх агсаны нэрэмжит МЕДАЛЬ, БАТЛАМЖ олгогдохын зэрэгцээ Б.Батмөнх сангаас тухайн жилийн сургалтын төлбөртэй тэнцэх хэмжээний тэтгэлэг олгогдоно. Жил бүр сонгон шалгаруулалт явагдана. Өмнөх жилд шалгарч шагнал авсан оюутан дараагийн жилд хүсэлт гаргах эрхтэй.

Бүрдүүлэх материал, ирүүлэх газар, хугацаа:
Суралцсан хугацааны дүнгийн жагсаалт
Харьяалагдан суралцаж буй тэнхмийн тодорхойлолт
Ирээдүйн зорилго, эзэмшиж буй мэргэжил, сонирхлоо илэрхийлсэн, 250-иас доошгүй үгтэй эссэ
Эрдэм шинжилгээ, спорт, урлагийн амжилт гаргасан бол гэрчлэх үнэмлэх, баримт бичиг

Дээрх материалуудыг бүрэн гүйцэд бүрдүүлэн МУИС-ийн ЭЗС-ийн Бакалаврын сургалтын албанд 2011 оны 2 дугаар сарын 7-ний 17 цагаас өмнө ирүүлнэ үү.
Заасан хугацаанаас хоцорч ирүүлсэн өргөдлийг хүлээн авахгүй.

Сонгон шалгаруулалт:Дээрх болзлыг хангасан МУИС-ийн ЭЗС-ийн нэг оюутныг жил бүр төр, нийгмийн нэрт зүтгэлтэн агсан Жамбын Батмөнхийн төрсөн өдөр 3 дугаар сарын 10-нд шалгаруулан шагнана.
Сонгон шалгаруулалтыг Ж.Батмөнх сан МУИС-ийн ЭЗС-тай хамтран тусгай комисс гарган зохион байгуулна.

Холбогдох хаяг:
Ж.Батмөнх сан 9907 2463
МУИС-ийн ЭЗС-ийн Бакалаврын сургалтын алба МУИС-ийн хичээлийн IV байр, 203 тоот өрөө Утас:350996