Showing posts with label Банкны салбараар сонин юу байна. Show all posts
Showing posts with label Банкны салбараар сонин юу байна. Show all posts
Saturday, April 10, 2010
"Банкны бүтцийн шинэчлэл дэхь бусад улсуудын туршлага" сэдэвт хуралд суулаа.
Хэдэн өдрийн өмнө сургуулийн нэг давхарын зарлалын самбар дээр нэгэн нээлттэй хурлын зарыг хараад бүртгэх хугацаа нь дуусахаас өмнө амжиж мэйл бичиснээр Монголбанк болон Дэлхийн банкнаас хамтран зохион байгуулсан “Банкны бүтцийн шинэчлэл дэхь бусад улсуудын туршлага” сэдэвт хуралд суух боломж олдсон юм.
Уг хурал нь 4 сарын 8-нд болох байсан боловч илтгэл тавигчдын нислэгт цаг агаарын саатал гарснаас болж нэг өдрөөр хойшилж өчигдөр буюу 4 сарын 9-ны Баасан гаригт Монголбанкны хурлын танхимд болж өнгөрлөө.
Энэхүү хуралд илтгэл тавихаар банкны бүтцийн өөрчлөлт, шинэчлэлтийг дэлхийн бусад улс орнуудад өөрийн биеээр хэрэгжүүлж, тодорхой үр дүнд хүрч чадсан гурван мэргэжилтэн иржээ. Тэднийг товчхон танилцуулах юм бол:
• Ноён Матс Жосефссон: Исланд, Турк, Тайланд зэрэг орнуудын банкны тогтолцоонд бүтцийн өөрчлөлт хийхэд чухал нөлөөтэй ажилласан эдийн засагч
• Ноён Карл Линдгрен: Санхүүгийн салбарын шинэчлэл, банкны бүтцийн өөрчлөлт болон банкны асуудлыг шийдвэрлэх талаар мэргэшсэн дэлхийн шилдэг мэргэжилтэн. Линдгрен банкны салбарын хямралын үед олон улс орнуудын засгийн газарт банк санхүүгийн салбарын шинэчлэл хийх асуудлаар зөвлөгөө өгч ажиллаж байсан.
• Ноён Энгин Акчакожа: Турк Улсын Банкны Зохицуулалт, Удирдлага Хяналтын Байгууллага болон Хадгаламжийн Даатгалын Сангийн Тэргүүн асан. Акчакожа нь Турк улсын банкны хямралын үеэр банкны салбарт бүтцийн өөрчлөлт хийх үйл ажиллагаанд биечлэн оролцсон.
Хурлын гол зорилго нь монгол улсын банкны системд тулгамдаад байгаа асуудалтай адил асуудлыг бусад улс орнууд хэрхэн шийдвэрлэж ирсэн талаар улс орнуудын туршлагыг судлаж монголын банкны системд хийх бүтцийн өөрчлөлтийн стратегийг боловсруулахад хувь нэмэр оруулахад оршиж байсан юм.
Уг хуралд нийт олон нийтийн төлөөлөл, хэвлэл мэдээллийнхэн, монголын болон гадны улсуудын банкны салбарын холбогдох мэргэжилтнүүд зэрэг нийт 200 орчим хүн оролцсон юм.
Дэлхийн банкны Монгол дахь суурин төлөөлөгч Аршад Саиед хэлэхдээ энэхүү хэлэлцүүлгээр монголын банкны системийнд бүтцийн өөрчлөлт хийхэд ямар боломж, ямар асуудал байна, үүнийг бусад орнууд хэрхэн шийдвэрлэж ирсэн талаарх туршлагыг ярилцахад оршиж байгааг тодруулж хэлж байсан юм.
Ингээд уг хуралд сууж өөрийн ойлгож, тэмдэглэж авсан зүйлсээ чадан ядан сийрүүлж бичихийг оролдлоо.Уг хурал нь 4 сарын 8-нд болох байсан боловч илтгэл тавигчдын нислэгт цаг агаарын саатал гарснаас болж нэг өдрөөр хойшилж өчигдөр буюу 4 сарын 9-ны Баасан гаригт Монголбанкны хурлын танхимд болж өнгөрлөө.
Энэхүү хуралд илтгэл тавихаар банкны бүтцийн өөрчлөлт, шинэчлэлтийг дэлхийн бусад улс орнуудад өөрийн биеээр хэрэгжүүлж, тодорхой үр дүнд хүрч чадсан гурван мэргэжилтэн иржээ. Тэднийг товчхон танилцуулах юм бол:
• Ноён Матс Жосефссон: Исланд, Турк, Тайланд зэрэг орнуудын банкны тогтолцоонд бүтцийн өөрчлөлт хийхэд чухал нөлөөтэй ажилласан эдийн засагч
• Ноён Карл Линдгрен: Санхүүгийн салбарын шинэчлэл, банкны бүтцийн өөрчлөлт болон банкны асуудлыг шийдвэрлэх талаар мэргэшсэн дэлхийн шилдэг мэргэжилтэн. Линдгрен банкны салбарын хямралын үед олон улс орнуудын засгийн газарт банк санхүүгийн салбарын шинэчлэл хийх асуудлаар зөвлөгөө өгч ажиллаж байсан.
• Ноён Энгин Акчакожа: Турк Улсын Банкны Зохицуулалт, Удирдлага Хяналтын Байгууллага болон Хадгаламжийн Даатгалын Сангийн Тэргүүн асан. Акчакожа нь Турк улсын банкны хямралын үеэр банкны салбарт бүтцийн өөрчлөлт хийх үйл ажиллагаанд биечлэн оролцсон.
Хурлын гол зорилго нь монгол улсын банкны системд тулгамдаад байгаа асуудалтай адил асуудлыг бусад улс орнууд хэрхэн шийдвэрлэж ирсэн талаар улс орнуудын туршлагыг судлаж монголын банкны системд хийх бүтцийн өөрчлөлтийн стратегийг боловсруулахад хувь нэмэр оруулахад оршиж байсан юм.
Уг хуралд нийт олон нийтийн төлөөлөл, хэвлэл мэдээллийнхэн, монголын болон гадны улсуудын банкны салбарын холбогдох мэргэжилтнүүд зэрэг нийт 200 орчим хүн оролцсон юм.
Дэлхийн банкны Монгол дахь суурин төлөөлөгч Аршад Саиед хэлэхдээ энэхүү хэлэлцүүлгээр монголын банкны системийнд бүтцийн өөрчлөлт хийхэд ямар боломж, ямар асуудал байна, үүнийг бусад орнууд хэрхэн шийдвэрлэж ирсэн талаарх туршлагыг ярилцахад оршиж байгааг тодруулж хэлж байсан юм.
Санхүүгийн хямарлын хор уршиг дэлхийн улс орнуудын туршлагаас хараад байхад ихэнхдээ банкны салбарт учирч байдаг. Учир нь банк гэдэг бол улс орны санхүүгийн системийн нэг томоохон бүрэлдэхүүн төдийгүй бүхий л мөнгө, санхүүтэй холбоотой бүхий л төлбөр тооцоо банкаар дамжин хийгдэж байдаг.
Банк нь хадгаламж эзэмшигч болон зээлдэгчдийн ашиг сонирхолыг хангах зорилгоор зуучлалын үйл ажиллагаа явуулдаг. Үйл ажиллагаа нь харилцагчдын итгэлцэл дээр тогтож байдаг. Тиймдээ ч банкны систем бол ихээхэн мэдэрмтгий нэг нэгнээсээ ихээхэн хамааралтай байдаг. Нэг банкнид гарсан үйл ажиллагааны доголдол нь бусдынхаа үйл ажиллагаанд сөргөөр нөлөөлдөг. Үүний нэг жишээ нь өнгөрсөн 2 жилийн хугацаанд монголын банкны системийн томоохон байр суурь эзэлдэг банкууд болох Анод, Зоос банкуудын үйл ажиллагааны доголдолоос болоод иргэдийн банкинд итгэх итгэл суларсан.
Тиймдээ ч үүсч болох эрсдэлээс сэргийлэх эхний алхам бол хямралыг эртхэн илрүүлж бодит эдийн засаг(хувийн хэвшилийн үйл ажиллагаа болон иргэдийн амьдралд)-т нөлөөлөл үзүүлэхээс нь өмнө арга хэмжээ авах явдал юм гэдгийг илтгэгчид дуу нэгтэйгээр хэлж байсан. Хямралыг эртхэн илрүүлснээр түүнээс хүлээх алдагдал, зардал төдий чинээ бага байх болно.
Сүүлийн 15 жилийн хугацаанд нийт банкны салбарын 2/3-т нь хямрал их бага хэмжээгээр гарч байсан.
Улс орнуудын эдийн засгийн бүтэц, банкны систем нь өөр өөрийн гэсэн онцлогтой боловч тулгамдаад байгаа асуудал нь ерөнхийдөө адилхан байдаг. Үүнд:
• Валютын ханшны эрсдэл
• Хууль, дүрэм журмын хэрэгжилт муу
• Банкны системийн оновчгүй бүтэц
• Зээлийн эрсдэл
o Чанаргүй зээлийн өсөлт
o Зарим салбарт хэт их зээл олгох
o Судалгаа шинжилгээ хийлгүй улс төрийн шахалтаар их хэмжээний зээл олгох
o Зээлийн эргэн төлөлтөнд тавих хяналт муу
o Холбоотой этгээдүүдийн зээлийн өсөлт г.м асуудлуудаас үүдэн бий болдог.
Улс орны банк, санхүүгийн салбарт хямрал эхэлсэн тохиолдолд төрийн зүгээс банкны систем төдийгүй эдийн засгийн хэвийн үйл ажиллагааг хангах үүднээс зарим нэгэн тодорхой бодлогын чанартай дэмжлэгийг үзүүлдэг.
Ихэнх улс орнуудад дараах төрлийн дэмжлэгийг төрөөс үзүүлдэг. Үүнд:
- Хадгаламжинд төрөөс батлан даалт гаргах. Энэ нь урт хугацаанд үр өгөөжгүй бөгөөд улсын төсөвт хүндрэл учруулдаг. Турк улсын хувьд 2000 оны хямралаар 2.5 жил хадгаламжийн даатгалын системийг хэрэгжүүлсэн.
- Өргөн хүрээний бүтцийн өөрчлөлтийг хэрэгжүүлэх /Төлбөрийн чадварыг сайжруулах, ашигт ажиллагааг нэмэгдүүлэх, банкны системийг эрүүл байлгах бүтцийг бий болгох. Шаардлагатай тохиолдолд шинэ институцийг сангийн яам, төв банкны үйл ажиллагаатай уялдуулан үүсгэн байгуулж ч болно. Монгол улсын хувьд Монголбанк бүтцийн өөрчлөлтийг бүрэн чадвартай институци ./.
- Банкны үйл ажиллагааг дэмжих буюу удирдлагын чадавхийг сайжруулах.
Үүнд:
- Зохицуулах хууль, дүрэм журмыг сайжруулах.
- Нээлттэй ил тод байх.
- Өрсөлдөгч нарт ижил тэгш хандах / төрөөс хадгаламжийн даатгалын үйл ажиллагааг хэрэгжүүлэхдээ бүгдэд нь бус тодорхой шаардлага хангасан банкуудад даатгал гаргах г.мэт/
Турк улсын хувьд 1999 онд онд хямралын шинж тэмдэг илэрч байсан боловч тухайн үед ямарч арга хэмжээ аваагүйгээс үүдэн 2000 онд гадаадаас 16 тэрбум долларын зээл авсан, тухайн үед төр нь төрийн банкнаас 26 тэрбум долларын зээлийг авсан, судалгаагүй зээлийн хэмжээ 14 тэрбус долларт хүрсэн зэрэг нь зээлийн эрсдэл бий болсноор хямрал гүнзгийрсэн.
Тухайн үед Турк улсын төрийн зүгээс хямралын эсрэг арга хэмжээг 4 үе шаттайгаар авч хэрэгжүүлсэн.
- Эхний ээлжинд төрийн банкуудад дэмжлэг үзүүлсэн /Төрийн банкууд давамгайлж байсан/
- Хүндрэлтэй байгаа хувийн хэвшилийн банкуудыг тодорхойлж дэмжлэг үзүүлсэн.
- Эрх зүйн орчныг сайжруулсан /хадгаламжийн даатгалын системийн хуулийг батласан. Мөн банкинд үзүүлэх дэмжлэгийг тодорхой дүрэм журмаар зохицуулсан/.
- Төв банк болон хөндлөнгийн аудитын байгууллагаас тавих хяналт шалгалтыг сайжруулсан.
Банкны системийн эрүүл байдлыг хангах үүднээс банкуудыг :
• Нэгтгэх
• Худалдах
• Төр худалдан авах
• Дампуурлыг зарлах /банкны дампуурлын хуулийг шинээр баталсан/ үйл ажиллагааг явуулсан.
Илтгэл тавьсан судлаачдын зарим нь монголд одоохондоо хямрал хүнд шатандаа ороогүй байгаа учраас аль болох хурдан арга хэмжээ авсан тохиолдолд хямралыг аль болох зардал багатай даван туулахболомж нөхцөл байна гэж хэлсэн.
Монголын банкны салбарын хувьд тулгамдаад байгаа асуудлыг дараах байдлаар багцлан авч үзвэл:
- Хөрөнгөжилт / банкнуудад стресс тест хийж хөрвөх чадвараа хангаж чадах хэмжээний хөрөнгөтэй байгаа эсэхийг тодорхойлох, өөрийн хөрөнгийн зохистой харьцааг хангаж байгаа эсэхэд хяналт тавих/
- Чанаргүй зээл / 2009 оны байдлаар монголын арилжааны банкуудын нийт чанаргүй зээлийн хэмжээ 17.4 хувьтай байгаа бөгөөд зээлийн болзошгүй эрсдэлийн сангийн хэмжээ 337 тэрбум төгрөгт хүрээд байна./
- Эрсдэлийн нарийн бодлого /ялангуяа зээлийн эрсдэлд /
- Дүрэм журмыг шинэчлэх шаардлага
- Томоохон зээлийг зохицуулах явдал болоод байна.
Монгол улсын хувьд төрөөс зарим нэг арга хэмжээнүүдийг жишээ нь төрөөс арилжааны банкууд дахь хадгаламжийг батлан дааснаар иргэдийн банкинд итгэх итгэлийг сэргээсэн нь оновчтой арга хэмжээ болсон. Мөн банкны системд хүндрэл үүсгэсэн Зоос банкыг төр өөрийн мэдэлд авч Төрийн банк болгосон. Гэвч төр банкыг удаан хугацаанд эзэмшилдээ байлгах нь банкны системд сөргөөр нөлөөлдөг учир тодорхой хугацааны дараа хувийн хэвшилд шилжүүлэх хэрэгтэй.
Банкны системийн эрүүл байдлыг хангах үүднээс төв банкны зүгээс хяналт шалгалтыг оновчтой хийх хэрэгтэй. Монголбанкны зүгээс Дэлхийн банктай хамтран арилжааны 15 банкинд хөндлөнгийн хяналт шалгалтыг хийж эхлээд байна.
Дээрх хурал дээр тавигдаж байсан асуултын ихэнх нь монгол улсын хувьд яах хэрэгтэй вэ? Гэсэн асуултанд илтгэл тавигчдын зүгээс хямралын урьдач нөхцөлүүд үүссэн учир хурдан арга хэмжээ авах хэрэгтэй, цаг алдах хэрэггүй гэдгийг нэг дуугаар хэлсэн. Мөн зарим асуултанд судалгаа хийж мэдээлэл цуглуулаагүй учраас тодорхой хэлэх боломжгүй байгаагаа илэрхийлсэн.
Цааш унших...
Monday, November 16, 2009
Хятадын хамгийн ашигтай ажилласан 10 компани
2009 оны эхний гурван улирлын санхүүгийн үзүүлэлтээр Хятад Улсын хэмжээнд хамгийн ашигтай ажилласан арван компанийг зарлалаа.
Эдгээр арван компанийн нийт цэвэр ашиг нь 470,9 тэрбум юань төдийгүй, хятад улсын бүх зах зээлд ажиллаж буй компанийн ашгийн зургаан хувийг эзэлж байгаа юм.
Жагсаалтын эхний 10 байранд дараах 10 компани орсон байна.Үүнд:
1. “Үйлдвэр худалдааны банк” 99.9,
2. “Бүтээн босголтын банк” 86.1
3. “Газрын тосны корпораци” 81.1
4. “Хятад Улсын банк” 62.0
5. “Газрын тосны химийн аж үйлдвэрийн корпораци” 49.7
6. “Шэньхуа групп” 24.7
7. “Зам харилцааны банк” 22.9
8. “Реньшоу” даатгалын компани 19.8
9. “Хөрөнгө оруулалтын банк” 13.0
10. “Ситик” банк 11.3 тэрбум юанийн ашигтай ажилласан байна.
Дэлхий дахиныг хамраад буй санхүүгийн хямрал банк, санхүүгийн салбарт хүчтэй нөлөөтэй байгаа хэдий ч Хятад улсын хувьд хямралыг амжилттай даван туулж байгаагийн илрэл нь дээрх тоо баримт болж байна. Нийт 10 компанийн 5 нь банк байна.Эдгээр 5 банкнаас "Бүтээн босголтын банк", "Хөрөнгө оруулалтын банк" зэрэг нь хөгжиж байгаа эдийн засгийн салбаруудад хөрөнгө оруулалт хийдэг бөгөөд ашгаараа тэргүүлж байгаа нь Хятад улсын хөрөнгө оруулалтын өгөөж нэг талаараа сайн байгааг харуулж байна.
Манай улсад ч гэсэн "Хөгжлийн банк" байгуулах талаар яригдаж байгаа бөгөөд энэ банк нь Хятад улсын эдгээр банкуудын нэгэн адил ирээдүйтэй үйлдвэрлэлийн салбарт томоохон хөрөнгө оруулалт хийх зорилготой юм.
Мөн сүүлийн нэг сарын хугцацаанд монголын банкны салбар нэлээн хөл хөдөлгөөнтэй байгаа бөгөөд банкууд хямралын үеийг даван туулахын тулд хоорондоо нэгдэн нийлэх үйл ажиллагаа идэвхитэй явагдаж байна. Ингэснээр банкуудын хувьд нэлээн үйл ажиллагааны зардлаа хэмнээд зогсохгүй нэгж зээлдэгчид олгох зээлийн хэмжээ нэмэгдэх зэрэг олон талын ач холбогдолтой юм. Одоогийн байдлаар "Монгол шуудан", "Хадгаламж" банкуудын нэгдэл дээр "Зоос банк" нэмэгдэхээр болсон. Мөн "Улаанбаатар хотын банк", "Худалдаа хөгжлийн банкууд" нэгдэх хүсэлтээ Монголбанкинд гаргаад байгаа билээ.
Цааш унших...
Wednesday, November 4, 2009
Монгол улсын зээлжих зэрэглэл -В1-ээс В1 боллоо.
2009 оны 10 сарын 13-нд Дэлхийн томоохон Зээлийн зэрэглэл тогтоодог агентлагын нэг Fitch Ratings нь манай улсын зээлийн зэрэглэлийг “В-” байсныг В тогтвортой болгон өсгөсөн байна.ОУ-ын Валютын сантай хийсэн зээлийн хөтөлбөр нь Монгол Улсын гадаад санхүүжилтийн орчныг сайжруулсан, төсвийн зарцуулалт дотоодын санхүүгийн салбар хөгжихөд дөхөм болж байгааг тус байгууллагаас мэдээлсэн.
Мөн Оюутолгойн хөрөнгө оруулалтын гэрээг үзэглэсэн нь олон улсын хөрөнгө оруулагчдын хувьд Монголын Засгийн газрын тухай ойлголтыг өсгөн бэхжүүлэх гол шалтгаан болсныг Fitch агентлаг онцлон тэмдэглэсэн байна.
2009 оны 10 сарын 30-нд Улс орнуудын зээлжих зэрэглэлийг тогтоодог олон улсад нэр хүнд бүхий Moody’s манай улсын зээлжих зэрэглэлийг “В1-сөрөг" байсныг нэмэгдүүлж “В1-тогтвортой" болгон өөрчилсөн байна. Энэ тухай Moody’s компанийн Дэд ерөнхийлөгч Томас Байрн олон нийтэд мэдээллээ. Тус компанийн хувьд анх 2005 оны 10-р сард манай улсын зээлжих зэрэглэлийг “В1” гэж тогтоож байснаас хойш хамгийн сүүлд энэ оны 6-р сард “В1” сөрөг болгон өөрчилж байсан юм.
Засгийн газар оновчтой бодлого явуулж төлбөрийн тэнцлээ сайжруулсан, төсвийн алдагдлаа тогтоон барьсан, хяналтаас гарч байсан инфляцийг тогтоон барьж чадсан зэрэг нь зээлжих зэрэглэлийг сайжруулахад гол нөлөө үзүүлсэн байна.
Цааш унших...
Tuesday, November 3, 2009
"Тэнгэр санхүүгийн нэгдэл" ХХК өөрийн хөрөнгөө 7.5 тэрбум төгрөгөөр нэмэгдүүллээ.
2009.11.02. Улаанбаатар хот, Монгол Улс. ХасБанкны толгой компани ТэнГэр Санхүүгийн Нэгдэл ХХК өөрийн хөрөнгөө 7.5 тэрбум төгрөгөөр нэмэгдүүллээ.
Тэнгэр Санхүүгийн Нэгдэл ХХК-ийн хувь нийлүүлэгчид 2009 оны 5 дугаар сард хуралдаж, шинээр хувьцаа нэмж гарган Компанийн өөрийн хөрөнгийг нэмэгдүүлэх шийдвэр гаргасан юм. Нийт 7.5 тэрбум төгрөгийг Компанийн хувь нийлүүлэгчдээс татаж байгаа бөгөөд үүнээс 5 тэрбум төгрөгийг ХасБанкны дүрмийн санг нэмэгдүүлэхэд, үлдсэн 2.5 тэрбум төгрөгийг ТэнГэр Санхүүгийн Нэгдэл ХХК-ийн гадаад дахь хөрөнгө оруулалтын үйл ажиллагааг хэрэгжүүлэх охин компани болох ТэнГэрЛиг Инвестментс ХХК-ийг хөрөнгөжүүлэхэд тус тус зориулах юм.
Шинэ хувьцаа захиалах ажиллагаа энэ оны 10 дугаар сард дууссан бөгөөд ТэнГэр Санхүүгийн Нэгдэл ХХК-ийн хувь нийлүүлэгчдээс:
- Олон Улсын Санхүүгийн Корпораци
- БлюОрчард Хөрөнгө Оруулалтын Сан
- Триодос Банк Групп
- Европын Сэргээн Босголт
- Хөгжлийн Банк
- ИАйТи Капитал Менежмент ХХК энэхүү хөрөнгө нэмэгдүүлэх ажиллагаанд оролцов.
Тэнгэр Санхүүгийн Нэгдэл ХХК болон ХасБанкны удирдлагын хувьд энэхүү хөрөнгө нэмэгдүүлж байгаа ажиллагааг хувь нийлүүлэгчдийн зүгээс ХасБанкны Монгол Улс дахь үндсэн үйл ажиллагааг улам бүр өргөжүүлж, тус Банкны амжилт, туршлагыг бүс нутгийн орнуудын банк, санхүүгийн байгууллагуудад нэвтрүүлж, улмаар ТэнГэр Санхүүгийн Нэгдэл ХХК-ийг санхүүгийн үйлчилгээ үзүүлэгч компаниудын олон улсын нэгдэл болгох ажлыг бүрэн дэмжиж байгаагийн илрэл гэж үзэж байна.
ХасБанкны Гүйцэтгэх Захирал ноён М.Болд “Энэхүү шинэ хөрөнгө орж ирснээр ХасБанкны найдвартай байдал улам батжиж, өөрийн үйлчилгээг Монголын олон арван мянган өрх гэр, бизнес эрхлэгчдэд шинээр нэмж хүргэх таатай нөхцөл бүрдэж байна.” хэмээн цохон тэмдэглэлээ.
Тэнгэр Санхүүгийн Нэгдэл ХХК нь 1999 онд үүсгэн байгуулагдсан.
- ХасБанк
- ХасЛизинг ХХК
- ХасСекьюрити ХХК
- Хорус Нүүдлийн Шийдэл ХХК (Horus Nomadic Solutions Inc) гэсэн банк, санхүүгийн түрээс, хамгаалалт, аюулгүй байдал, программ хангамжийн чиглэлээр үйл ажиллагаа эрхэлдэг компаниудын хувьцааг эзэмшигч хөрөнгө оруулалтын толгой компани юм. Тус компани нь өөрийн хөгжлийн дараагийн үе шат болох бичил санхүүгийн үйлчилгээ үзүүлдэг компаниудын олон улсын групп болох зорилгоор олон улсын хэмжээнд өргөжин тэлэх ажлаа 2009 онд Бүгд Найрамдах Киргиз Улсын “МолБулак Финанс” санхүүгийн компанид анхны хөрөнгө оруулалт хийснээр эхлүүлсэн бөгөөд одоо Төв Азийн улсууд, ОХУ болон БНХАУ-ын санхүүгийн байгууллагуудад хөрөнгө оруулалт хийхээр ажиллаж байна.
Тэнгэр Санхүүгийн Нэгдэл ХХК-ийн хувь нийлүүлэгчид нь ИАйТи Капитал Менежмент ХХК, Олон Улсын Санхүүгийн Корпораци, Европын Сэргээн Босголт, Хөгжлийн Банк, Мерси Корпс, Голландын Триодос Банк Групп, Люксембургийн Вант Улсын БлюОрчард Хөрөнгө Оруулалтын Сан болон дотоодын зарим төрийн бус байгууллагууд зэрэг дотоод, гадаадын нэр хүндтэй байгууллагууд байдаг.
ХасБанк нь өөрийн 72 салбар нэгжээр дамжуулан Монгол Улс даяар санхүүгийн хүртээмжтэй, шинэлэг бүтээгдэхүүн, үйлчилгээг харилцагчиддаа хүргэж буй Монгол Улсын томоохон банкуудын нэг юм. ХасБанк иргэд, бичил болон жижиг, дунд бизнес эрхлэгч 300 гаруй мянган харилцагчдад санхүүгийн цогц үйлчилгээ хүргэн ажиллаж байна.
ХасБанкны эрхэм зорилго бол эрдэнэт хүн, эх дэлхий, эрүүл ашгийг эрхэмлэн ажиллаж Монгол улсын хүн ардын амьжиргааны түвшинг дээшлүүлэх, нийгэм, эдийн засаг, байгалийн тэнцвэртэй хөгжлийг хангахад хувь нэмэр оруулах явдал болно.
Цааш унших...
Wednesday, October 28, 2009
Dual Currency card-Хосолсон валюттай карт
Дэлхийд төлбөр тооцооны хэрэгсэл өдөр ирэх тусам улам дэвшилттэй, авсаархан болж хөгжсөөр байна. Тvрийвчиндээ тvнтийтэл чихдэг байсан бэлэн мөнгө өнөөдөр карт хэмээх бяцхан зvйлд багтаж, тvvний хэрэглээ, vйлчилгээ нь улам өргөжин тэлсээр байгаа билээ. Харилцагчиддаа vргэлж шинэлэг vйлчилгээг хамгийн тvрvvнд vзvvлж ирсэн Голомт банк Монгол улсад анх удаа Хосолсон валюттай картыг нэвтрүүлээд байна.Хосолсон валюттай карт гэж юу вэ?
Хосолсон валюттай карт гэдэг нь дотороо хоёр данстай, данс тус бvр өөр өөр валютын сонголттой байх карт юм. Энэхvv карт нь дотоод болон гадаад улсад нэг картаар төлбөр тооцоо хийх бололцоог олгож буй бөгөөд дотоод болон олон улсын эрхтэй хоёр картыг нэгтгэсэн болно. Өөрөөр хэлбэл тус картаар дотоодод гvйлгээ хийхэд төгрөгийн данснаас, гадаад улсад төлбөр тооцоо хийхэд гадаад валютын данснаас гvйлгээ хийх боломжийг бий болгосон шинэ бvтээгдэхvvн юм.
Хосолсон валюттай картын дансанд орлого тушаах:
* Орлогыг аль валютын данс руу тушаахыг тодорхойлно.
* Та төгрөгөөр орлогын мэдvvлэг бичиж, гvйлгээ хийж буй тохиолдолд таны орлогын гvйлгээ төгрөгийн дансанд орно.
* Гадаад валютаар орлогын мэдvvлэг бичиж, гvйлгээ хийж буй тохиолдолд таны орлогын гvйлгээ гадаад валютын дансанд орно. / Хэрэв та MNT – USD хосолсон карттай бол гадаад валютын орлогын гvйлгээг USD-р хийнэ/.
* Хоёр валютын данс хоорондоо хөрвөж орлого орох боломжгvй юм байна..
Хосолсон валюттай картын данснаас зарлага гаргах:
* Дотоодод банк болон картаар vйлчлэгч худалдаа vйлчилгээний байгууллага, АТМ-р vйлчлvvлэхэд картын зөвхөн төгрөгийн данснаас гvйлгээ хийгдэнэ.
* Гадаад улсад банк болон картаар vйлчлэгч худалдаа vйлчилгээний байгууллага, АТМ-р vйлчлvvлэхэд картын зөвхөн гадаад валютын данснаас тухайн гvйлгээ хийж буй орны валютаар хөрвөгдөж гvйлгээ хийгдэнэ.
* Онлайн төлбөр тооцоог дотоодын вэб сайтанд төгрөгийн данснаас, валютын данснаас дотоодын ам.доллараар төлбөр тооцоо хийдэг вэб сайт болон олон улсын вэб сайтанд хандаж гvйлгээ хийж болно.
* Төгрөгийн данс vлдэгдэлгvй тохиолдолд дотоодод зарлагын гvйлгээ хийх боломжгvй, гадаад валютын данс vлдэгдэлгvй тохиолдолд гадаадад гvйлгээ хийх боломжгvй бөгөөд орлогын гүйлгээтэй нэгэн адил хоёр валют хоорондоо хөрвөхгүй.
Яагаад Хосолсон Валюттай карт гэж?
* Төлбөр тооцоо илvv шуурхай, илvv аюулгvй, найдвартай хийгдэнэ. Дотоод болон гадаадад нэг картаар төлбөр тооцоогоо хийнэ.
* Төлбөрийн картын системийн аюулгvй байдлын № 1 технологи EMV чипээр хамгаалагдсан.
* Дотоодын эрх бvхий, Олон улсын эрх бvхий гэж хэд хэдэн карт худалдаж авах шаардлагагvй.
* Хоёр өөр валютын данстай учир, төгрөгөөс гадаад валют руу, гадаад валютаас төгрөг рvv ханш хөрвөж гvйлгээ хийгдэхгvй учир ханшын зөрvvний алдагдал хvлээхгvй.
Цааш унших...
Monday, October 26, 2009
Дэлхийн хамгийн найдвартай банкаар “KfW” банк шалгарав.
Global Finance сэтгүүлээс дэлхийн нэр хүнд бүхий зэрэглэл тогтоодог Standard & Poor's, Moody's, Fitch Ratings агентлагуудтай хамтран "Дэлхийн хамгийн найдвартай банк -2009"-т багтсан 50 банкны жагсаалтыг гаргасан байна. Энэхүү жагсаалтыг ХБНГУ-ын 100 хувь Улсын хөрөнгө оруулалттай "KfW" банк тэргүүлжээ.Уг жагсаалтанд Францын 6, АНУ, Герман, Канадын тус бүр-5, Австрали, Испани -4, Швейцарь, Сингапурын -3, Английн 2 банк орсон байна. Сингапурын DBS Bank болон United Overseas Bank-ууд 24, 35-рт бичигдсэн нь Ази тивийн хамгийн найдвартай банкаар шалгарав. Харин АНУ-ын "The Bank of New York Mellon Corporation" болон "J.P.Morgan Chase & Co" банкууд 32, 39-т бичигджээ
Эхний 10-т багтсан банкууд:
1. KfW -ХБНГУ
2. Caisse des Depots et Consignations \CDC\ - Франц
3. Bank Nederlands Gemeenten - Нидерланд
4. Landwirtschaftliche Rentenbank - ХБНГУ
5. Zuricher Kantonalbank - Швейцари
6. Rabobank Group - Нидерланд
7. Landeskreclitbank Baden2Wurttemberg - ХБНГУ
8. NRW Bank -ХБНГУ
9. BNP Paribas -Франц
10. Royal Bank of Canada -Канад
Эх сурвалж:http;//www.bdsec.mn/
Цааш унших...
Saturday, August 1, 2009
Банкны салбарын үйл явдлууд...
Банкны салбар бол санхүүгийн зах зээлийн томоохон бүрэлдэхүүн хэсэг яахын аргагүй мөн бөгөөд тэр дундаа манай Монгол улсын хувьд санхүүгийн салбарын хөгжил, дэвшлийг энэ л салбарын үзүүлэлтүүдээр хэмждэг гэхэд буруудахгүй бизээ. Тийм учраас энэ салбарын үйл ажиллагаа хэрхэн явагдаж байгаа, цаашид яах хандлагатай байгаад анхаарлаа хандуулж байх нь чухал билээ. Миний хувьд энэ чиглэлээр сурч байгаа оюутан учраас хамгийн их мэдээлэлтэй байх нь нэг ёсны үүрэг гэхэд буруудахгүй.
Ингээд Монголын арилжааны 16 банк, Монгол банк, 500 гаруй ХЗХ,ББСБ-ийн талаарх мэдээллийг энэ хэсгээс уншина уу.
Цааш унших...
Ингээд Монголын арилжааны 16 банк, Монгол банк, 500 гаруй ХЗХ,ББСБ-ийн талаарх мэдээллийг энэ хэсгээс уншина уу.
Цааш унших...