Хэний ч биш зөвхөн өөрийнхөө зүрх сэтгэлийг дага ...

Цааш унших...

Би гэдэг хүн блогоо нээгээд нэг их удаагүй бас, олигтой ч бичлэгүүд оруулж амжаагүй л явна. Зарим нэг хичээл дээр болон ажил хийж байхдаа хийсэн зүйлүүд маань хэн нэгэнд хэрэг болсон юм байлгүй. Зарим зүйл дээр асууж лавлах зүйл гарсан тул энэхүү бичлэгийг нээж байна.
Бичлэгүүдийн талаарх санал бодол, шүүмжээ болж өгвөл тухайн бичлэгт сэтгэгдэл үлдээвэл сайн байна. Ерөнхий маягийн, миний мэргэжилтэй холбоотой асуулт болон санал бодлоо энэхүү бичлэгт сэтгэгдэл болгон үлдэгээрэй.

Та бүхний санал шүүмж надад юунаас ч илүү үнэтэй байх болно.
Хүндэтгэсэн.
Г.Отгончимэг
Цааш унших...

1. Уралдааны зорилго:

Макро болон микро эдийн засаг, хөгжлийн эдийн засгийн онолд байгаль орчинг externalities /гадаад хүчин зүйл/-д оруулж пүүс, өрх гэр, капитал, хөдөлмөр гэх мэтийн хүрээнд адилтган авч үздэг. Гэтэл орчин үеийн эдийн засгийн амьдралд “байгаль орчин” гэсэн хүчин зүйл улам бүр тодорхойлох үүрэгтэй болж тогтвортой хөгжил, тогтвортой үйлдвэрлэл ба хэрэглээ гэх мэт практик ойлголт, үйл ажиллагаанууд эдийн засгийн амьд практик болж “ногоон эдийн засаг” гол хандлага болох төлөвтэй байна. Гэтэл бид “хүрэн эдийн засгийн” онолын ойлголтуудад тулгуурласан эдийн засгийн хөгжил, эдийн засаг хэмээн ярьсан хэвээр л байна. Иймээс шинэ загвар шаардлагатай болж байгаа бөгөөд энэхүү загварт гол нь байгаль орчинг externality биш, харин бүх суурь загварын дотор нь internality буюу “үйлдвэрлэлийн ба хэрэглээний хүчин зүйл” байдлаар оруулах хэрэгтэй боллоо.

Өнөөдөр дэлхий нийтээр яригдаж буй тогтвортой хөгжил /sustainable development/ гэдэгт байгаль, түүний нөөц баялгийг ирээдүй хойчдоо сөрөг үр дагвар үзүүлэхгүйгээр хэрхэн үр ашигтай зөв зохистой ашиглан баялгийг бүтээх процессыг ойлгож байна. Гэхдээ энэхүү тогтвортой хөгжил нь нийгэм, байгаль орчин, эдийн засаг гуравт тулгуурлах ёстой. Гэтэд өнөөгийн байдлаар хийсэн зүйл бага байна.

Байгалийн нөөц баялаг ихтэй, эдийн засаг нь түүнээс шууд хамааралтай манай орны хувьд хүний болон эдийн засгийн үйл ажиллагаанаас хамааран байгаль орчинд учирч буй сөрөг нөлөөллүүдийг /агаарын болон орчны бохирдолт, цөлжилт, уур амьсгалын өөрчлөлт, гол мөрний ширгэлт гэх мэтийг/ багасгах, нөхөн үл сэргээгдэх байгалийн нөөц баялгуудыг үр ашигтай, зохист хэмжээнд ашиглах, байгаль орчны зүгээс эдийн засагт үзүүлэх нөлөөллийг онолын хувьд гаргаж ирэх, бодит практик нөхцөл байдалтай харьцуулах шаардлага зүй ёсоор гарч байна.

Иймээс энэхүү уралдааны зорилго нь байгаль орчны зүгээс эдийн засагт үзүүлэх нөлөөлөл болон эсрэгээр буюу эдийн засгийн хүчин зүйлийн байгаль орчин буюу экологийн системд үзүүлж буй нөлөөллийг онолын хувьд тодорхойлох, эдийн засгийн загварчлал гаргах замаар энэхүү асуудлыг шинжлэх ухааны үндэслэлтэй шийдэх арга замыг эрж хайхад судалгаа шинжилгээний ажлаа чиглүүлэхийг эрдэмтэн судлаачид, их дээд сургуулийн багш нар, эдийн засагчид, оюутнуудын анхаарлыг хандуулах, энэ чиглэлээр хийж буй тэдний судлалгаа шинжилгээ, эрдмийн ажлыг олны хүртээл болгох, дэмжин урамшуулах явдал юм. Ялангуяа эдийн засгийн шинжлэх ухааны салбарт шинэ бүтээл, онолын судалгаа, асуудал дэвшүүлсэн шинэ санаа, оноо гаргах, монголын эрдэмтэн судлаачдын онолын бүтээл, судалгааг дэлхий нийтэд түгээн таниулахад уралдааны нэг гол зорилт чиглэгдэнэ.


2. Уралдааны сэдэв

Economics буюу эдийн засгийг байгаль орчны хүчин зүйл, нөхцөл байдалтай уялдуулан өөр байдлаар, өөр өнцгөөс авч үзэх явдал судалгааны ажлын цөм болох бөгөөд энэхүү зорилтын хүрээнд эдийн засгийн бусад асуудлууд, тухайлбал дараах сэвдүүдийг хөндөх, харгалзан үзэх, ашиглах, асуудал дэвшүүлэх боломжтой. Үүнд:

• Байгаль орчны эдийн засгийн онол, практикийн асуудлууд / Environmental economics in theory and practice/
• Экологийн эдийн засаг / Ecological economics/
• Ногоон эдийн засаг / Green economics/
• Байгаль орчны ба байгалийн нөөцийн эдийн засаг / Environmenta and natural resource economics/
• Тогтвортой хөгжил / sustainable development/ ба тогтвортой амьжиргаа
/ sustainable prosperity/
• Сэргээгдэх нөөц баялаг / renewable resources/
• Байгалийн баялгийн эдийн засаг / natural resource economics/


3. Тавигдах шаардлага

• Уралдаанд ирүүлэх материалыг Arial mon фонтоор, үсгийн хэмжээ 12, мөр хоорондын зай 1.5, А4 хуудасны хэмжээтэй, 20 хүртэл хуудсанд багтаасан байна.
• Уралдаанд ирүүлэх материал нь бэлэн онол, практикын асуудлуудыг хуулбарлаагүй, тодорхой оноллын асуудал дэвшүүлж түүнийг шийдэх арга замыг тодорхойлсон, шинэлэг, бодит үр өгөөжтэй байх ёстой


4. Уралдаанд хэн оролцож болох вэ?

• Эрдэмтэд, эрдэм шинжилгээний ажилтнууд
• Их дээд сургуулийн багш нар
• Судлаач, эдийн засагчид
• Их дээд сургууль, коллежийн оюутнууд

5. Шалгаруулах журам

Уралдааны 2 үе шаттайгаар шалгаруулна.

I шат: Уралдаанд ирүүлсэн бүх материалуудтай танилцаж 5 ажлыг сонгон шалгаруулна.

II шат: “Эдийн засгийн онол ба байгаль орчин” сэдэвт онол-практикийн бага хурал зохион байгуулж эхний шатнаас шалгарсан 5 бүтээлээр илтгэл тавиулна. Уралдааны комисс илтгэлүүдийг байр эзлүүлэн дүнг танилцуулна.

Шалгарсан бүтээлийг өдөр тутмын хэвлэл мэдээллийн болон Танхимын хэвлэлүүдээр дамжуулан олон нийтэд хүргэнэ. Шалгарсан бүтээлүүд болон уралдаан ирсэн бүтээлүүдийг нэгтгэн товхимол болгон гаргана.


6. Шагнал

1 байрт нэг бүтээл: 1000000 төгрөг
2 байрт нэг бүтээл: 600000 төгрөг
3 байрт нэг бүтээл: 400000 төгрөг
Тусгай байрт 2 бүтээл: тус бүр 250000 төгрөг


7. Материал хүлээн авах хугацаа

2009 оны 11-р сарын 16-наас 2009 оны 12-р сарын 18


8. Материал хүлээн авах газар

Материалыг “Эдийн засгийн онол ба байгаль орчин” уралдаанд хэмээн хаяглан дараах хаягаар биеэр авчирч өгөх буюу шуудангаар илгээнэ.

МҮХАҮТ
Улаанбаатар хот-17011, Хан-уул дүүрэг
1-р хороо, М.Гандийн гудамж
МҮХАҮТ-ын байр, 407 тоот
УБ шуудан-10101100


9. Холбоо барих хаяг

Утас: 976-11-310619
Факс: 976-11-324620
Гар утас: 99833670, 98658510
Е-мail: nergui@mongolchamber.mn gereltuya.b@mongolchamber.mn
Цааш унших...

Засгийн газрын вэбэд Оюу Толгойн гэрээний эх хувилбарыг англи болон монгол хувилбараар нь тавьжээ. Та бүхэн дараах хаягаар орж татаж аваарай.

Монгол хувилбар

Англи хувилбар

Цааш унших...

2009 оны эхний гурван улирлын санхүүгийн үзүүлэлтээр Хятад Улсын хэмжээнд хамгийн ашигтай ажилласан арван компанийг зарлалаа.




Эдгээр арван компанийн нийт цэвэр ашиг нь 470,9 тэрбум юань төдийгүй, хятад улсын бүх зах зээлд ажиллаж буй компанийн ашгийн зургаан хувийг эзэлж байгаа юм.

Жагсаалтын эхний 10 байранд дараах 10 компани орсон байна.Үүнд:
1. “Үйлдвэр худалдааны банк” 99.9,
2. “Бүтээн босголтын банк” 86.1
3. “Газрын тосны корпораци” 81.1
4. “Хятад Улсын банк” 62.0
5. “Газрын тосны химийн аж үйлдвэрийн корпораци” 49.7
6. “Шэньхуа групп” 24.7
7. “Зам харилцааны банк” 22.9
8. “Реньшоу” даатгалын компани 19.8
9. “Хөрөнгө оруулалтын банк” 13.0
10. “Ситик” банк 11.3 тэрбум юанийн ашигтай ажилласан байна.

Дэлхий дахиныг хамраад буй санхүүгийн хямрал банк, санхүүгийн салбарт хүчтэй нөлөөтэй байгаа хэдий ч Хятад улсын хувьд хямралыг амжилттай даван туулж байгаагийн илрэл нь дээрх тоо баримт болж байна. Нийт 10 компанийн 5 нь банк байна.Эдгээр 5 банкнаас "Бүтээн босголтын банк", "Хөрөнгө оруулалтын банк" зэрэг нь хөгжиж байгаа эдийн засгийн салбаруудад хөрөнгө оруулалт хийдэг бөгөөд ашгаараа тэргүүлж байгаа нь Хятад улсын хөрөнгө оруулалтын өгөөж нэг талаараа сайн байгааг харуулж байна.
Манай улсад ч гэсэн "Хөгжлийн банк" байгуулах талаар яригдаж байгаа бөгөөд энэ банк нь Хятад улсын эдгээр банкуудын нэгэн адил ирээдүйтэй үйлдвэрлэлийн салбарт томоохон хөрөнгө оруулалт хийх зорилготой юм.
Мөн сүүлийн нэг сарын хугцацаанд монголын банкны салбар нэлээн хөл хөдөлгөөнтэй байгаа бөгөөд банкууд хямралын үеийг даван туулахын тулд хоорондоо нэгдэн нийлэх үйл ажиллагаа идэвхитэй явагдаж байна. Ингэснээр банкуудын хувьд нэлээн үйл ажиллагааны зардлаа хэмнээд зогсохгүй нэгж зээлдэгчид олгох зээлийн хэмжээ нэмэгдэх зэрэг олон талын ач холбогдолтой юм. Одоогийн байдлаар "Монгол шуудан", "Хадгаламж" банкуудын нэгдэл дээр "Зоос банк" нэмэгдэхээр болсон. Мөн "Улаанбаатар хотын банк", "Худалдаа хөгжлийн банкууд" нэгдэх хүсэлтээ Монголбанкинд гаргаад байгаа билээ.
Цааш унших...

2009 оны 10 сарын 13-нд Дэлхийн томоохон Зээлийн зэрэглэл тогтоодог агентлагын нэг Fitch Ratings нь манай улсын зээлийн зэрэглэлийг “В-” байсныг В тогтвортой болгон өсгөсөн байна.
ОУ-ын Валютын сантай хийсэн зээлийн хөтөлбөр нь Монгол Улсын гадаад санхүүжилтийн орчныг сайжруулсан, төсвийн зарцуулалт дотоодын санхүүгийн салбар хөгжихөд дөхөм болж байгааг тус байгууллагаас мэдээлсэн.
Мөн Оюутолгойн хөрөнгө оруулалтын гэрээг үзэглэсэн нь олон улсын хөрөнгө оруулагчдын хувьд Монголын Засгийн газрын тухай ойлголтыг өсгөн бэхжүүлэх гол шалтгаан болсныг Fitch агентлаг онцлон тэмдэглэсэн байна.

2009 оны 10 сарын 30-нд Улс орнуудын зээлжих зэрэглэлийг тогтоодог олон улсад нэр хүнд бүхий Moody’s манай улсын зээлжих зэрэглэлийг “В1-сөрөг" байсныг нэмэгдүүлж “В1-тогтвортой" болгон өөрчилсөн байна. Энэ тухай Moody’s компанийн Дэд ерөнхийлөгч Томас Байрн олон нийтэд мэдээллээ.
Тус компанийн хувьд анх 2005 оны 10-р сард манай улсын зээлжих зэрэглэлийг “В1” гэж тогтоож байснаас хойш хамгийн сүүлд энэ оны 6-р сард “В1” сөрөг болгон өөрчилж байсан юм.
Засгийн газар оновчтой бодлого явуулж төлбөрийн тэнцлээ сайжруулсан, төсвийн алдагдлаа тогтоон барьсан, хяналтаас гарч байсан инфляцийг тогтоон барьж чадсан зэрэг нь зээлжих зэрэглэлийг сайжруулахад гол нөлөө үзүүлсэн байна.
Цааш унших...

2009.11.02. Улаанбаатар хот, Монгол Улс.
ХасБанкны толгой компани ТэнГэр Санхүүгийн Нэгдэл ХХК өөрийн хөрөнгөө 7.5 тэрбум төгрөгөөр нэмэгдүүллээ.
Тэнгэр Санхүүгийн Нэгдэл ХХК-ийн хувь нийлүүлэгчид 2009 оны 5 дугаар сард хуралдаж, шинээр хувьцаа нэмж гарган Компанийн өөрийн хөрөнгийг нэмэгдүүлэх шийдвэр гаргасан юм. Нийт 7.5 тэрбум төгрөгийг Компанийн хувь нийлүүлэгчдээс татаж байгаа бөгөөд үүнээс 5 тэрбум төгрөгийг ХасБанкны дүрмийн санг нэмэгдүүлэхэд, үлдсэн 2.5 тэрбум төгрөгийг ТэнГэр Санхүүгийн Нэгдэл ХХК-ийн гадаад дахь хөрөнгө оруулалтын үйл ажиллагааг хэрэгжүүлэх охин компани болох ТэнГэрЛиг Инвестментс ХХК-ийг хөрөнгөжүүлэхэд тус тус зориулах юм.
Шинэ хувьцаа захиалах ажиллагаа энэ оны 10 дугаар сард дууссан бөгөөд ТэнГэр Санхүүгийн Нэгдэл ХХК-ийн хувь нийлүүлэгчдээс:
- Олон Улсын Санхүүгийн Корпораци
- БлюОрчард Хөрөнгө Оруулалтын Сан
- Триодос Банк Групп
- Европын Сэргээн Босголт
- Хөгжлийн Банк
- ИАйТи Капитал Менежмент ХХК энэхүү хөрөнгө нэмэгдүүлэх ажиллагаанд оролцов.

Тэнгэр Санхүүгийн Нэгдэл ХХК болон ХасБанкны удирдлагын хувьд энэхүү хөрөнгө нэмэгдүүлж байгаа ажиллагааг хувь нийлүүлэгчдийн зүгээс ХасБанкны Монгол Улс дахь үндсэн үйл ажиллагааг улам бүр өргөжүүлж, тус Банкны амжилт, туршлагыг бүс нутгийн орнуудын банк, санхүүгийн байгууллагуудад нэвтрүүлж, улмаар ТэнГэр Санхүүгийн Нэгдэл ХХК-ийг санхүүгийн үйлчилгээ үзүүлэгч компаниудын олон улсын нэгдэл болгох ажлыг бүрэн дэмжиж байгаагийн илрэл гэж үзэж байна.
ХасБанкны Гүйцэтгэх Захирал ноён М.Болд “Энэхүү шинэ хөрөнгө орж ирснээр ХасБанкны найдвартай байдал улам батжиж, өөрийн үйлчилгээг Монголын олон арван мянган өрх гэр, бизнес эрхлэгчдэд шинээр нэмж хүргэх таатай нөхцөл бүрдэж байна.” хэмээн цохон тэмдэглэлээ.
Тэнгэр Санхүүгийн Нэгдэл ХХК нь 1999 онд үүсгэн байгуулагдсан.
- ХасБанк
- ХасЛизинг ХХК
- ХасСекьюрити ХХК
- Хорус Нүүдлийн Шийдэл ХХК (Horus Nomadic Solutions Inc) гэсэн банк, санхүүгийн түрээс, хамгаалалт, аюулгүй байдал, программ хангамжийн чиглэлээр үйл ажиллагаа эрхэлдэг компаниудын хувьцааг эзэмшигч хөрөнгө оруулалтын толгой компани юм. Тус компани нь өөрийн хөгжлийн дараагийн үе шат болох бичил санхүүгийн үйлчилгээ үзүүлдэг компаниудын олон улсын групп болох зорилгоор олон улсын хэмжээнд өргөжин тэлэх ажлаа 2009 онд Бүгд Найрамдах Киргиз Улсын “МолБулак Финанс” санхүүгийн компанид анхны хөрөнгө оруулалт хийснээр эхлүүлсэн бөгөөд одоо Төв Азийн улсууд, ОХУ болон БНХАУ-ын санхүүгийн байгууллагуудад хөрөнгө оруулалт хийхээр ажиллаж байна.

Тэнгэр Санхүүгийн Нэгдэл ХХК-ийн хувь нийлүүлэгчид нь ИАйТи Капитал Менежмент ХХК, Олон Улсын Санхүүгийн Корпораци, Европын Сэргээн Босголт, Хөгжлийн Банк, Мерси Корпс, Голландын Триодос Банк Групп, Люксембургийн Вант Улсын БлюОрчард Хөрөнгө Оруулалтын Сан болон дотоодын зарим төрийн бус байгууллагууд зэрэг дотоод, гадаадын нэр хүндтэй байгууллагууд байдаг.

ХасБанк нь өөрийн 72 салбар нэгжээр дамжуулан Монгол Улс даяар санхүүгийн хүртээмжтэй, шинэлэг бүтээгдэхүүн, үйлчилгээг харилцагчиддаа хүргэж буй Монгол Улсын томоохон банкуудын нэг юм. ХасБанк иргэд, бичил болон жижиг, дунд бизнес эрхлэгч 300 гаруй мянган харилцагчдад санхүүгийн цогц үйлчилгээ хүргэн ажиллаж байна.
ХасБанкны эрхэм зорилго бол эрдэнэт хүн, эх дэлхий, эрүүл ашгийг эрхэмлэн ажиллаж Монгол улсын хүн ардын амьжиргааны түвшинг дээшлүүлэх, нийгэм, эдийн засаг, байгалийн тэнцвэртэй хөгжлийг хангахад хувь нэмэр оруулах явдал болно.
Цааш унших...